Катарын нийслэл Доха хотод байрлах барилгад Израил агаараас цохилт өгч буй мөчийг хяналтын камер бичиж авчээ. Хамасын нэгэн төлөөлөгч BBC-д мэдээлэхдээ “Палестины зэвсэгт бүлгээс хэлэлцээ хийхээр томилогдсон багийн гишүүд уулзалт хийж байх үедээ халдлагад өртсөн” гэв. Хамасын мэдэгдсэнээс үзвэл тус бүлгийн гишүүн амь үрэгдээгүй боловч 6 жирийн иргэн уг цохилтод өртөн, амь үрэгджээ.
Израилын Батлан хамгаалах хүчний мэдэгдэлд “Бид нарийвчилсан цохилт өгсөн. Бидний онилсон хүмүүс 10-р сарын 7-ны аймшигт алан хядлагад буруутай” хэмээн дурджээ.
Харин Израил ба Хамасын хооронд шууд бус хэлэлцээг зуучилж байсан Катар уг довтолгоог олон улсын хуулийг “илэрхий зөрчсөн үйлдэл” гэж мэдэгдсэн байна.
Эх сурвалж: CNN