<p> Монгол Улсын Ерөнхий сайд Г.Занданшатар өнөөдөр (2025.12.29) буюу үндэсний эрх чөлөө, тусгаар тогтнолоо сэргээн бадраасан түүхэн өдрөөр Хил хамгаалах ерөнхий газарт ажиллаж, хилийн цэргийн бэлэн байдалд гэнэтийн шалгалт хийлээ.</p> <p>Хил хамгаалах ерөнхий газар удирдлагын нэгдсэн төвийг төсвийн хөрөнгө оруулалтаар байгуулж, 2024 оноос ашиглаж эхэлжээ. Улмаар 2025 онд ХЗДХ-ийн сайд тушаал гаргаж, бүтэц орон тоог нь албажуулсан байна.</p> <p>Дэвшилтэт технологид суурилсан удирдлагын нэгдсэн төв нь олон улсын жишигт нийцсэн С5 зэрэглэлийнх юм байна. Уг төвд хилийн бүх боомт болон хилийн хэсгүүдийг холбож, хяналт, удирдлагаар ханган ажиллаж байна. Ингэхдээ хил хамгаалах салбарын хэмжээнд бие даасан, хаалттай сүлжээний дэд бүтэц байгуулжээ.</p> <p> Хяналт, удирдлагын тогтолцоо сайжирснаар хил хамгаалах ажлын үр дүнд ч эерэгээр нөлөөлж эхэлсэн байна. Тухайлбал хил дээр гарсан хэрэг зөрчлийг өнгөрсөн жилтэй харьцуулахад энэ онд 79 хувиар бууруулжээ. Мөн цаг агаарын аюулт үзэгдэл, бусад учир шалтгааны улмаас ард иргэдэд учирч болох байсан 13 тэрбум төгрөгийн хохирлоос урьдчилан сэргийлж чадсан байна.</p> <figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="1024" height="768" data-id="136581" src="https://admin.time.mn/wp-content/uploads/2025/12/IMG_4327-1024x768.jpeg" alt="" class="wp-image-136581" srcset="https://admin.time.mn/wp-content/uploads/2025/12/IMG_4327-1024x768.jpeg 1024w, https://admin.time.mn/wp-content/uploads/2025/12/IMG_4327-300x225.jpeg 300w, https://admin.time.mn/wp-content/uploads/2025/12/IMG_4327-768x576.jpeg 768w, https://admin.time.mn/wp-content/uploads/2025/12/IMG_4327-1536x1152.jpeg 1536w, https://admin.time.mn/wp-content/uploads/2025/12/IMG_4327.jpeg 2048w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="768" data-id="136584" src="https://admin.time.mn/wp-content/uploads/2025/12/IMG_4325-1024x768.jpeg" alt="" class="wp-image-136584" srcset="https://admin.time.mn/wp-content/uploads/2025/12/IMG_4325-1024x768.jpeg 1024w, https://admin.time.mn/wp-content/uploads/2025/12/IMG_4325-300x225.jpeg 300w, https://admin.time.mn/wp-content/uploads/2025/12/IMG_4325-768x576.jpeg 768w, https://admin.time.mn/wp-content/uploads/2025/12/IMG_4325-1536x1152.jpeg 1536w, https://admin.time.mn/wp-content/uploads/2025/12/IMG_4325.jpeg 2048w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="768" data-id="136583" src="https://admin.time.mn/wp-content/uploads/2025/12/IMG_4324-1024x768.jpeg" alt="" class="wp-image-136583" srcset="https://admin.time.mn/wp-content/uploads/2025/12/IMG_4324-1024x768.jpeg 1024w, https://admin.time.mn/wp-content/uploads/2025/12/IMG_4324-300x225.jpeg 300w, https://admin.time.mn/wp-content/uploads/2025/12/IMG_4324-768x576.jpeg 768w, https://admin.time.mn/wp-content/uploads/2025/12/IMG_4324-1536x1152.jpeg 1536w, https://admin.time.mn/wp-content/uploads/2025/12/IMG_4324.jpeg 2048w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="768" data-id="136585" src="https://admin.time.mn/wp-content/uploads/2025/12/IMG_4323-1024x768.jpeg" alt="" class="wp-image-136585" srcset="https://admin.time.mn/wp-content/uploads/2025/12/IMG_4323-1024x768.jpeg 1024w, https://admin.time.mn/wp-content/uploads/2025/12/IMG_4323-300x225.jpeg 300w, https://admin.time.mn/wp-content/uploads/2025/12/IMG_4323-768x576.jpeg 768w, https://admin.time.mn/wp-content/uploads/2025/12/IMG_4323-1536x1152.jpeg 1536w, https://admin.time.mn/wp-content/uploads/2025/12/IMG_4323.jpeg 2048w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="768" data-id="136582" src="https://admin.time.mn/wp-content/uploads/2025/12/IMG_4322-1024x768.jpeg" alt="" class="wp-image-136582" srcset="https://admin.time.mn/wp-content/uploads/2025/12/IMG_4322-1024x768.jpeg 1024w, https://admin.time.mn/wp-content/uploads/2025/12/IMG_4322-300x225.jpeg 300w, https://admin.time.mn/wp-content/uploads/2025/12/IMG_4322-768x576.jpeg 768w, https://admin.time.mn/wp-content/uploads/2025/12/IMG_4322-1536x1152.jpeg 1536w, https://admin.time.mn/wp-content/uploads/2025/12/IMG_4322.jpeg 2048w" sizes="auto, (max-width: 1024px) 100vw, 1024px" /></figure> </figure> <p>Хойд хилийг хянан баталгаажуулах ажил 86 хувьтай үргэлжилж байгааг ХХЕГ танилцууллаа. Зарим хэсэгт байгалийн бартаа саад ихтэй байгаа тул техник хэрэгсэл болон төсвийн дэмжлэг үзүүлэхийг Засгийн газраас хүслээ. Мөн ирэх жил урд хилийг хянан баталгажуулах ажлыг эхлүүлэхээр бэлтгэл ажлаа хангажээ.</p> <p>Засгийн газар хилчдийн нийгмийн байдал, ахуй амьдралыг тууштай дэмжиж анхаарч ажиллана. Ялангуяа орон сууцжуулах асуудалд онцгой анхаарна гэж Ерөнхий сайд Г.Занданшатар хэллээ. Ирэх онд хил хамгаалах салбарын хувьд технологийн дэвшлийг эрчимтэй нэвтрүүлсэн жил болгох тал дээр шинэ санаа, санаачилга гаргаж ажиллахыг Ерөнхий сайд Г.Занданшатар хилчдэд санууллаа. Ирэх оны төсөвт хилийн цэргийн салбарт 30 тэрбум төгрөгийн хөрөнгө оруулалт суусан гэдгийг мөн танилцуулав.</p> <p>Гэнэтийн шалгалтад бэлэн байдлаа бүрэн дүүрэн харуулсан хилчин дайчдад Ерөнхий сайд талархал илэрхийлээд бэлэн байдалд ОНЦ үнэлгээ өгч буйгаа илэрхийлэв. Монгол Улсын дархан хил тайван байна гэж хилчин дайчид Ерөнхий сайдад илтгэлээ.</p>