Өчигдөр Швейцарын Альпийн нуруунд оршдог Энгельбэрг цанын баазад дүүжин тээврийн бүхээг газарт унасны улмаас 61 настай эмэгтэй амиа алджээ.

Тус бүхээг орон нутгийн цагаар 11:00 цагийн үед “тодорхойгүй шалтгааны улмаас тросноосоо салсан” гэж Нидвалден мужийн цагдаагийн газар мэдээлсэн байна.

Mухайн үед уулын энгэрт хүчтэй салхи үлээж байсан гэж гэрчүүд мэдээлжээ. Титлис уулын уруу өнхөрч байгаа бүхээгийн дүрс бичлэг сошиал орчинд тархсан байна.

Horror ongeval met gondel. Zoals deze video laat zien, is een gondellift in het Zwitserse #Engelberg in het kanton Obwalden neergestort. Er staat momenteel een sterke wind in het gebied. Of er personen in de gondel zaten is nog niet duidelijk #20Min 🇨🇭 pic.twitter.com/vfOny8EwK6

— Johanns (Alpen)weer @johannsalpenweer.bsky.social (@Alpenweerman) March 18, 2026

Уг ослын улмаас амиа алдсан хүн нь орон нутгийн оршин суугч, 61 настай эмэгтэй байсныг цагдаа нар мэдэгджээ. Осол гарах үед тус эмэгтэй бүхээгт ганцаараа зорчиж байсан байна.

Осол гарах үед уулын ойр орчимд салхины хурд 80 км/цагаас дээш байсныг цагдаагийн газар мэдээлжээ. Салхины хурд 60км/цагаас дээш гарсан тохиолдолд ихэнхдээ уулын дүүжин тээврийн үйл ажиллагааг зогсоодог гэв. Уг ослын дараа 40 орчим бүхээгээс 100-200 орчим зорчигчийг нүүлгэн шилжүүлж, дүүжин тээврийн үйлчилгээг бүрмөсөн зогсоосон байна.

Эх сурвалж: BBC