Дархан-Уул аймгийн удирдлагууд аймгийн төвдөө одоо байгаа орон сууцны хороолол дунд барилга бариулахгүй, газар олгохгүй байх бодлого баримталж байна. 2023 он хүртэл Дархан-Уул аймгийг хөгжүүлэх ерөнхий төлөвлөгөөний дагуу орон сууцны хороолол, суурьшлын бүсийг тэлэх хэлбэрээр газар олгон, орон сууц барих зөвшөөрөл олгож байгаа аж. Ингэснээр одоо сул байгаа газраа гэр хороололд алдахгүй байх, орон сууцны хороолол, барилгаас бүрдсэн хот болох, газрын үнийг хөөрөгдөхгүй байх, хотыг зөв төлөвлөх боломж бүрдэж байна.