<p>ДАШТ-ий хүрэл, Азийн наадам болон Азийн АШТ-ий алтан медальт, гавьяат тамирчин Э.Цэндбаатарын мэргэжлийн боксын 11 дэх тулаан аравдугаар сарын 9-ний өдөр болох тов гарсан. Гэвч тулаан долоо хоногоор хойшлон 16-ны өдөр болжээ. Эл өдөр нь Э.Цэндбаатарын төрсөн өдөр юм. </p> <blockquote class="wp-block-quote is-layout-flow wp-block-quote-is-layout-flow"> <p>Түүний хувьд мэргэжлийн боксын эхний 10 тулаандаа дараалан ялсан. Үүнээс таван тулаанд нь өрсөлдөгчөө хүнд цохилтоор буулган авсан билээ.</p> </blockquote> <figure class="wp-block-image size-full"><img loading="lazy" decoding="async" width="2000" height="1333" src="https://cdn.time.mn/6704efdb6d22e-TS1.jpg" alt="" class="wp-image-63298" /></figure> <p>Тэрээр энэ удаа Доминиканы боксчин Френси Фортунатотой нүүр тулна. Өдгөө 26 настай Френси Фортунатогийн хувьд зургаан жилийн хугацаанд мэргэжлийн рингэнээ 16 тулаан хийснээс 15-д нь ялалт байгуулж, нэг удаа ялагдсан тамирчин юм.</p> <p>Хоёр тамирчны тулаан АНУ-ын Флорида мужийн “Probox Events” төвд болно.</p>