<blockquote class="wp-block-quote is-layout-flow wp-block-quote-is-layout-flow"> <p>Монгол Улсын Ерөнхийлөгч Ухнаагийн Хүрэлсүхийн Туркменистан Улсад хийсэн төрийн айлчлал өндөрлөлөө.</p> </blockquote> <p>Ерөнхийлөгч У.Хүрэлсүхийг Ашхабад хотын олон улсын нисэх онгоцны буудлаас Туркменистан Улсын Шадар сайд, Засгийн газрын хэрэг эрхлэх газрын&nbsp;дэд дарга Б.Атдаев тэргүүтэй албаны төлөөлөгчид үдэж мордууллаа.</p> <figure class="wp-block-image aligncenter"><img decoding="async" src="https://president.mn/wp-content/uploads/2024/10/received_8853215238042526-682x1024.jpeg" alt="" class="wp-image-31174"/></figure> <p>Айлчлалын хүрээнд Монгол Улс, Туркменистан Улсын төрийн тэргүүн нар ганцаарчилсан уулзалт болон албан ёсны хэлэлцээ хийж, хоёр улсын харилцаа болон бүс нутаг, олон улсын тавцан дахь хамтын ажиллагааны өргөн хүрээний асуудлаар санал солилцож, айлчлалын дүнгээр хамтарсан мэдэгдэл гаргалаа.</p> <p>Түүнчлэн Монгол Улсын Ерөнхийлөгч У.Хүрэлсүх Туркменийн ард түмний үндэсний удирдагч, Туркменистаны Халк Маслахат-ын дарга Гурбангули Бердымухамедов зэрэг албаны хүмүүстэй уулзлаа.</p> <figure class="wp-block-image aligncenter"><img decoding="async" src="https://president.mn/wp-content/uploads/2024/10/received_1288002565524519-1024x683.jpeg" alt="" class="wp-image-31172"/></figure> <p>Ерөнхийлөгч У.Хүрэлсүх Туркменистаны нэрт яруу найрагч, сэтгэгч М.Фрагигийн мэндэлсний 300 жилийн ойд зориулсан “Цаг үе, соёл иргэншлийн хэлхээ холбоо – Энх тайван, хөгжлийн үндэс суурь” сэдэвт олон улсын форумд хүндэт зочноор оролцож, нээлтийн үйл ажиллагаанд үг хэллээ.</p> <p>Айлчлалын хүрээнд “Монгол-Туркменистаны соёлын хамтарсан тоглолт”-ыг хоёр улсын Төрийн тэргүүн нарын ивээл дор зохион байгуулж, Монгол Улсын Морин хуурын найрал хөгжим анх удаа Ашхабад хотноо эгшиглэлээ.</p> <figure class="wp-block-image aligncenter"><img decoding="async" src="https://president.mn/wp-content/uploads/2024/10/received_447492597796888-1024x683.jpeg" alt="" class="wp-image-31171"/></figure> <p>Мөн “Монгол-Туркменистаны бизнес форум”-ыг амжилттай зохион байгуулж, хоёр орны бизнес эрхлэгчид, баялаг бүтээгчид хоорондын хэлхээ холбоог тогтоосон нь цаашид худалдаа, хөрөнгө оруулалт, бизнесийн хамтын ажиллагааг өргөжүүлэн хөгжүүлэхэд чухал ач холбогдолтой үйл явдал боллоо.</p> <p>1992 онд Монгол Улс болон Туркменистан Улсын хооронд дипломат харилцаа тогтоосноос хойшхи хугацаанд анх удаа хэрэгжсэн энэхүү дээд түвшний айлчлал нь хоёр улсын харилцаа, хамтын ажиллагааны шинэ эхлэлийг тавьсан чухал ач холбогдолтой айлчлал болж өндөрлөлөө.</p> <figure class="wp-block-image aligncenter"><img decoding="async" src="https://president.mn/wp-content/uploads/2024/10/received_1240872063616290-1024x683.jpeg" alt="" class="wp-image-31169"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2024/10/received_521310190705851-1024x683.jpeg" alt="" class="wp-image-31173"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2024/10/received_1787077388774553-1024x683.jpeg" alt="" class="wp-image-31170"/></figure>