<blockquote class="wp-block-quote is-layout-flow wp-block-quote-is-layout-flow"> <p><em>Монгол Улсын Ерөнхийлөгч У.Хүрэлсүх захирамж гарган, Хавдар судлалын үндэсний хоёрдугаар төвийг барихад дэмжлэг үзүүлэх Ажлын хэсгийг ахлах зөвлөх Н.Хүрэлбаатараар ахлуулан&nbsp; байгууллаа.</em></p> </blockquote> <p>Энэ талаар Ерөнхийлөгчийн ахлах зөвлөх Н.Хүрэлбаатар тэргүүтэй Ажлын хэсгийн гишүүд мэдэээлэл өглөө.</p> <p>Ажлын хэсэг&nbsp; хавдрын урьдчилан сэргийлэлт, оношилгоо, эмчилгээ, эрдэм шинжилгээ сургалтын цогцолбор бүхий Хавдар судлалын үндэсний хоёрдугаар төвийн бүтээн байгуулалтыг мэргэжил, арга зүйгээр хангаж, дэмжлэг үзүүлнэ.</p> <p>Мөн хавдар үүсгэж байгаа шалтгаан, нөхцөлийг таслан зогсоох, салбар дундын үүрэг, хариуцлагыг нэмэгдүүлэх, олон улсын жишигт нийцсэн тусламж, үйлчилгээг чанартай, хүртээмжтэй хүргэх чиглэлээр ажиллах юм.</p> <p>Ажлын хэсэгт Сангийн сайд Б.Жавхлан, Эрүүл мэндийн сайд Т.Мөнхсайхан, УИХ-ын гишүүн Ж.Чинбүрэн, Н.Алтаншагай, Л.Мөнхбаясгалан, Засгийн газрын Хэрэг эрхлэх газрын дэд дарга У.Бямбасүрэн, Эдийн засаг, хөгжлийн яамны Төрийн нарийн бичгийн дарга И.Батхүү, Цөмийн энергийн комиссын нарийн бичгийн дарга Г.Манлайжав, АШУҮИС-ийн захирал Б.Дамдиндорж, Хавдар судлалын үндэсний төвийн ерөнхий захирал Н.Эрдэнэхүү нар багтжээ.</p> <figure class="wp-block-image"><a href="https://president.mn/wp-content/uploads/2024/12/462584540_577984328510876_9211819733675477685_n.jpg"><img decoding="async" src="https://president.mn/wp-content/uploads/2024/12/462584540_577984328510876_9211819733675477685_n-1024x683.jpg" alt="" class="wp-image-31642"/></a></figure> <p>Хавдар судлалын үндэсний хоёрдугаар төвийг Сонгинохайрхан дүүргийн нутаг дэвсгэр, Олон улсын хүүхдийн “Найрамдал” төвийн орчим барьж 4-5 жилийн дотор ашиглалтад оруулахаар төлөвлөж байна.</p> <p>95 мянган м.кв талбай бүхий энэ төвийн дэд бүтцийг барихад шаардагдах хөрөнгийг 2025 оны улсын төсөвт тусгажээ.</p> <p>Манай улсад хорт хавдрын өвчлөл, нас баралт, тусламж, үйлчилгээний чанар тулгамдсан асуудал болоод байгаа.</p> <p>Хавдрын шалтгаант нас баралт нийт нас баралттай харьцуулахад дэлхийд 17 хувьтай байхад манайд 24 хувьтай төдийгүй, хорт хавдраар өвдсөн иргэдийн 70 орчим хувь нь хожуу шатандаа оношлогдож байна.</p> <p>Цаашид иргэдийг эрт илрүүлэгт хамруулах, иргэд амьдарч байгаа бүс нутагтаа эмнэлгийн тусламж, үйлчилгээ авдаг болох, хавдраас шалтгаалсан нас баралтыг бууруулах нь чухал гэж үздэг.</p> <p>Энэ үүднээс аймгуудад хавдрын тусламж, үйлчилгээг сайжруулахын тулд эмнэлгүүдийг техник, тоног төхөөрөмжөөр хангах хөрөнгийг ч орон нутгийн төсөвт тусгажээ.</p> <figure class="wp-block-image"><a href="https://president.mn/wp-content/uploads/2024/12/462575417_8699225180195999_2645084716998192805_n.jpg"><img decoding="async" src="https://president.mn/wp-content/uploads/2024/12/462575417_8699225180195999_2645084716998192805_n-1024x683.jpg" alt="" class="wp-image-31641"/></a></figure> <figure class="wp-block-image"><a href="https://president.mn/wp-content/uploads/2024/12/467013433_1642252220058552_7338805148076708902_n.jpg"><img decoding="async" src="https://president.mn/wp-content/uploads/2024/12/467013433_1642252220058552_7338805148076708902_n-1024x683.jpg" alt="" class="wp-image-31640"/></a></figure> <figure class="wp-block-image"><a href="https://president.mn/wp-content/uploads/2024/12/462585600_3952142425062044_8505768371457433683_n.jpg"><img decoding="async" src="https://president.mn/wp-content/uploads/2024/12/462585600_3952142425062044_8505768371457433683_n-1024x683.jpg" alt="" class="wp-image-31639"/></a></figure> <figure class="wp-block-image"><a href="https://president.mn/wp-content/uploads/2024/12/462562442_593186653182728_2742125734176399289_n.jpg"><img decoding="async" src="https://president.mn/wp-content/uploads/2024/12/462562442_593186653182728_2742125734176399289_n-1024x683.jpg" alt="" class="wp-image-31638"/></a></figure>