<p><em>Дэлхийн өндөр хөгжилтэй орнуудад хүргэлт,гэр цэвэрлэх үйлчилгээний салбар өндөр хөгжсөн байдаг. Үүнийгээ дагаад үйлчлүүлэгч нарын харилцаа хандлага өөрчлөгдөж, хүлээн зөвшөөрч, илүү хүндэлж хайрладаг. Тэгвэл манай улсад эсрэгээрээ цэвэрлэгээ хийсэн хүнийг дорд үздэг, буруу хандлага байсаар байна. Энэ тухай &#8220;төгс цэвэрлэгээ&#8221; компанийн ажилтнуудтай бид ярилцлаа. Тэд үндсэн ажлынхаа хажуугаар нэмэлт орлого олдог хөдөлмөрч бүсгүйчүүд юм. </em></p> <p>М.Лхамтуяа, У.Цэрэнпил нар хамаатны эгч дүүс. М.Лхамтуяа хүний нөөцийн мэргэжилтэй, У.Цэрэнпил төрийн албанд ажилладаг. Тэд 5 жилийн өмнө ажлынхаа хажуугаар нэмэлт орлоготой болохын тулд хоёулаа хамт алчуур, хувингаа бариад албан байгууллага, айл өрхөөр орж цэвэрлэгээ хийж эхэлжээ. Үүнээс хойш цэвэрлэгээний салбарыг Монголд хөгжүүлэхийн төлөө энэ салбар луу тууштай орсон. Одоо тэд зорилгодоо хүрч цагийн ажилтан ажиллуулж, 10 гаруй хүнийг ажлын байраар хангаж, нэмэлтээр цагийн ажилтан ажиллуулж байна.</p> <figure class="wp-block-image size-large"><img loading="lazy" decoding="async" width="1024" height="682" src="https://admin.time.mn/wp-content/uploads/2025/01/e4beca32-2976-4c36-bc80-843391d8be57-1024x682.jpg" alt="" class="wp-image-77954" srcset="https://admin.time.mn/wp-content/uploads/2025/01/e4beca32-2976-4c36-bc80-843391d8be57-1024x682.jpg 1024w, https://admin.time.mn/wp-content/uploads/2025/01/e4beca32-2976-4c36-bc80-843391d8be57-300x200.jpg 300w, https://admin.time.mn/wp-content/uploads/2025/01/e4beca32-2976-4c36-bc80-843391d8be57-768x512.jpg 768w, https://admin.time.mn/wp-content/uploads/2025/01/e4beca32-2976-4c36-bc80-843391d8be57-1536x1024.jpg 1536w, https://admin.time.mn/wp-content/uploads/2025/01/e4beca32-2976-4c36-bc80-843391d8be57.jpg 2000w" sizes="auto, (max-width: 1024px) 100vw, 1024px" /></figure> <p>Төгс цэвэрлэгээ компанийн үүсгэн байгуулагч М.Лхамтуяа: Гэр цэвэрлэгээний ажлыг хийхэд хөндлөнгийн хүмүүсийн харилцаа, хандлага хэцүү байдаг &#8220;Цэвэрлэгээний ажил хийлээ гээд ядуу зүдрүү хүн&#8221; гэсэн үг биш. Хүмүүсийн амьдралын хэв маяг өөрчлөгдөж байна. Хүссэн хүсээгүй цэвэрлэгээний салбар хөгжинө. Япон, Солонгос улсад цэвэрлэгээний ажил хийдэг хүмүүсийг илүү хүндэлдэг. Харин Монголд эсрэгээрээ дорд үзэж, дарга нарын өмнө бөхийдөг. Нэг ёсондоо нэгнийгээ гаднах төрхөөр нь илүү үнэлдэг гэж боддог. Би хоёр хүүхэдтэй. Одоо жирэмсэн. Нөхөртэйгөө хамт өглөө гараад орой болтол ажилладаг. Замаараа ажилчдаа гэрээс нь авч, заримдаа хүргэж өгдөг. Бидний хувьд ажилчин хамгийн чухал. Манайд 22-50 хүртэлх насны эмэгтэйчүүд ажилладаг. Гэтэл бид дуудлагаар айл цэвэрлэх гээд очихоор оюутнуудыг маань тайван ажиллуулдаггүй. Жишээ нь &#8220;Чи ийм залуу байж яагаад ийм ажил хийж байгаа юм. Өөр ажил олдохгүй байна уу&#8221; гэх зэргээр асуудаг. Энэ нь манай ажилчдаас гадна надад хүнд байдаг. Тийм үг сонссон оюутан охид сэтгэл санаагаар унаж, бусдаас санаа зовж ажлаа хийж чадахгүй үе гарна. Тийм болохоор хүмүүсийн хандлага л өөр болмоор байгаа юм.</p> <figure class="wp-block-image size-large"><img loading="lazy" decoding="async" width="768" height="1024" src="https://admin.time.mn/wp-content/uploads/2025/01/fa665193-3d9b-4a28-86d8-a3a2057ce2db-768x1024.jpg" alt="" class="wp-image-77956" srcset="https://admin.time.mn/wp-content/uploads/2025/01/fa665193-3d9b-4a28-86d8-a3a2057ce2db-768x1024.jpg 768w, https://admin.time.mn/wp-content/uploads/2025/01/fa665193-3d9b-4a28-86d8-a3a2057ce2db-225x300.jpg 225w, https://admin.time.mn/wp-content/uploads/2025/01/fa665193-3d9b-4a28-86d8-a3a2057ce2db-1152x1536.jpg 1152w, https://admin.time.mn/wp-content/uploads/2025/01/fa665193-3d9b-4a28-86d8-a3a2057ce2db.jpg 1536w" sizes="auto, (max-width: 768px) 100vw, 768px" /></figure> <p>Өнөөдөр манайд ажиллаж байгаа оюутан залуучууд насаараа энэ ажлыг хийхгүй. Залуу байгаа дээрээ хар бор ажил хийгээд сурвал өөрсдөд нь хэрэгтэй. Би оюутан дүү нартаа хэлдэг. &#8220;Та нар мэргэжлээрээ ажиллаад хаана ч очсон газардахгүй шүү. Яагаад гэвэл өнөөдөр энд цэвэрлэгээ хийгээд хэцүү байлаа ч, давхар хүнтэй яаж харилцах, хүмүүс ямар байдаг гэдгийг биеэрээ мэдэрч туулдаг&#8221; учраас дараа нь өөр ажилд ороход зөв бурууг ялгадаг, хүний үгийг дааж сурдаг болсон байдаг.</p> <blockquote class="wp-block-quote is-layout-flow wp-block-quote-is-layout-flow"> <p>Цэвэрлэгч гэхээр хүмүүс ажилладаггүй</p> </blockquote> <p>Монголд ажил байхгүй ажил олдохгүй байна гэж хүмүүс их ярьдаг. Бодит байдал дээр ажил хийх хүмүүс байхгүй байна. Ялангуяа цэвэрлэгээний ажил хийх хүмүүс олдохгүй байна. Би одоогоор 100 эмэгтэйг ажлын байраар хангах боломжтой. Гэхдээ цэвэрлэгч гэхээр хүмүүс ажилладаггүй. Яг одоогийн байдлаар нэн шаардлагатай 20 эмэгтэй хүний ажлын байр манайд байна. Залуучуудын хувьд ихэвчлэн гоё сайхан оффист ажиллахыг илүүд үздэг болжээ.</p> <figure class="wp-block-image size-large"><img loading="lazy" decoding="async" width="1024" height="682" src="https://admin.time.mn/wp-content/uploads/2025/01/71a0a117-e340-46a8-908c-0baf925c80d3-1024x682.jpg" alt="" class="wp-image-77957" srcset="https://admin.time.mn/wp-content/uploads/2025/01/71a0a117-e340-46a8-908c-0baf925c80d3-1024x682.jpg 1024w, https://admin.time.mn/wp-content/uploads/2025/01/71a0a117-e340-46a8-908c-0baf925c80d3-300x200.jpg 300w, https://admin.time.mn/wp-content/uploads/2025/01/71a0a117-e340-46a8-908c-0baf925c80d3-768x512.jpg 768w, https://admin.time.mn/wp-content/uploads/2025/01/71a0a117-e340-46a8-908c-0baf925c80d3-1536x1024.jpg 1536w, https://admin.time.mn/wp-content/uploads/2025/01/71a0a117-e340-46a8-908c-0baf925c80d3.jpg 2000w" sizes="auto, (max-width: 1024px) 100vw, 1024px" /></figure> <p>-Та өөрийгөө манай уншигчдад танилцуулаач, цэвэрлэгээний ажил хийгээд хэдэн жил болж байна вэ?</p> <p>Намайг У.Цэрэнпил гэдэг. Эх нярайн үндэсний төвд ажилладаг. Ажлынхаа хажуугаар цэвэрлэгээний ажил хийгээд 5 жил болж байна. Энэ ажлыг хийх сайхан байдаг. Цэвэрлэгээний ажил хийгээд сард 2 сая төгрөг гар дээр авна. Үүн дээр миний үндсэн ажлын цалин нэмэгдээд овоо хөөрхөн юм авчихдаг юм. Би ийм ажил хийснээрээ ерөөсөө харамсдаггүй. Хүүхдүүд маань хүртэл намайг дагаад ажилд суралцаж байна. Бид хүнээс ичиж зовдоггүй. Яагаад гэвэл өөрсдөө хөдөлмөрлөж олсон мөнгө амттай байдаг. Манай охин энд ажиллаж мөнгө олоод Япон явж суралцах гэж байна. Төлбөр мөнгөө бүгдийг нь өөрөө хөдөлмөрлөж олсон. Охин маань хүнд ажил хийж сурсан учраас хүний нутагт очоод алзахгүй байх. Аав минь бидэнд байнга хэлдэг байсан. Хүн ажил голдог, ажил хүнийг голдоггүй шүү гэж. Гэтэл манай монголчууд хэтэрхий залхуу юм шиг санагддаг. Ерөөсөө тууштай ажиллаж чаддаггүй.</p> <blockquote class="wp-block-quote is-layout-flow wp-block-quote-is-layout-flow"> <p>Хүн чанар, хариуцлагатай байхад бусад нь болно доо </p> <figure class="wp-block-image size-large"><img loading="lazy" decoding="async" width="1024" height="682" src="https://admin.time.mn/wp-content/uploads/2025/01/a6f7f677-b9fb-47fe-b655-1c27fc5d239f-1024x682.jpg" alt="" class="wp-image-77958" srcset="https://admin.time.mn/wp-content/uploads/2025/01/a6f7f677-b9fb-47fe-b655-1c27fc5d239f-1024x682.jpg 1024w, https://admin.time.mn/wp-content/uploads/2025/01/a6f7f677-b9fb-47fe-b655-1c27fc5d239f-300x200.jpg 300w, https://admin.time.mn/wp-content/uploads/2025/01/a6f7f677-b9fb-47fe-b655-1c27fc5d239f-768x512.jpg 768w, https://admin.time.mn/wp-content/uploads/2025/01/a6f7f677-b9fb-47fe-b655-1c27fc5d239f-1536x1024.jpg 1536w, https://admin.time.mn/wp-content/uploads/2025/01/a6f7f677-b9fb-47fe-b655-1c27fc5d239f.jpg 2000w" sizes="auto, (max-width: 1024px) 100vw, 1024px" /></figure> </blockquote> <p>Мөн хичээлийнхээ хажуугаар давхар хөдөлмөрлөдөг оюутнууд цөөнгүй бий. Тэдний нэг нь Т.Амин-Эрдэнэ. Тэрээр төгсөх курсийн оюутан. Нэгдүгээр курсээсээ хойш 5 дах жилдээ ажиллаж байна. Энэ ажлыг хийснээрээ өөрөө хөдөлмөрлөж олсон мөнгө илүү үнэ цэнтэй болохыг тэрээр мэдэрчээ. Түүнийг анги хамт олон нь цэвэрлэгээний ажил хийдгийг мэддэг. &#8220;Хичээлдээ очих болгонд &#8220;төгс цэвэрлэгээний босс ирлээ&#8221; гэж найзууд нь тоглодог байна. Т.Амин-Эрдэнийн хувьд сургуулиа төгсөөд мэргэжлээрээ ажиллана. Гэхдээ энэ үеэ хэзээ ч мартахгүй гэж ярьсан юм. </p> <blockquote class="wp-block-quote is-layout-flow wp-block-quote-is-layout-flow"> <p>Өөрөө хөдөлмөрлөж олсон мөнгө илүү үнэ цэнтэй</p> </blockquote> <p>Цэвэрлэгээний ажил амар биш. Янз бүрийн зан ааштай хүмүүстэй таарч, төсөөлөөгүй их бохир луу ордог. Мөн цаг наргүй. Гэхдээ эдгээр бүсгүйчүүд ажилдаа дуртай. Тэд Монголд цэвэрлэгээний үйлчилгээний соёлыг бий болгохыг зорьж хөдөлмөрлөж байна. </p>