<p>Хүүхэд мотоциклоос унаж амь насаа алдсан гэх дуудлага мэдээлэл өчигдөр буюу гуравдугаар сарын 16-нд Өвөрхангай аймгийн цагдаагийн байгууллагад бүртгэгджээ.</p> <blockquote class="wp-block-quote is-layout-flow wp-block-quote-is-layout-flow"> <p>Цагдаагийн байгууллагаас шалгалтын ажиллагаа явуулахад 13 настай хүүхэд Мустанг-5 маркийн, улсын дугааргүй мотоциклоор адуу тууж яваад унаж, нас барсан болохыг урьдчилсан байдлаар тогтоожээ.&nbsp;</p> </blockquote> <p>Иймд бага насны хүүхэд болон жолоодох эрхгүй хүнээр энэ төрлийн тээврийн хэрэгслийг жолоодуулахгүй байх, хүүхдийг зорчигчоор тээвэрлэх тохиолдолд зориулалтын хамгаалалтын малгай өмсүүлж хэвшүүлэх, мотоциклын бүрэн бүтэн байдлыг хангаж хөдөлгөөнд оролцохыг ЦЕГ-аас зөвлөлөө.</p>