“Эрдэнэс Тавантолгой” ХК-ийн 70 гаруй ажилчин хоолны хордлогод орж, ХӨСҮТ-д эмчлүүлж байна. Тус компанид олон хүнийг хамарсан хоолны хордлого зургаан сарын хугацаатай хоёр дахь удаагаа гарч буй нь энэ юм. 

“Эрдэнэс Тавантолгой” ХК энэ  талаар “70 гаруй ажилтнаас хоолны хордлогын шинж тэмдэг илэрсэн. Зарим нь ХӨСҮТ-д хүргэгдэж ирсэн. Биеийн байдал тогтворжсон. Дахин хордсон тохиолдол гараагүй. Мөн уг асуудалд Өмнөговь аймгийн мэргэжлийн байгууллага ажиллаад зөвлөмж мэдээлэл өгч ажиллаж байгаа” гэжээ.

Ойр, ойрхон хоолны хордлого гарсантай холбоотойгоор тус компанийн Төлөөлөн Удирдах зөвлөл өчигдөр шуурхай хуралдсан байна.