ХХАХҮЯ “Торгоны замын тэмээ” ТББ хамтран “Монгол тэмээний өдөрлөг”-ийг Лондон хотод тавдугаар сарын 1-ний өдөр зохион байгуулахаар болжээ.

Тус өдөрлөгөөр Монгол улсын байгалийн өвөрмөц онцлог, говийн бүсийн аялал жуулчлал, үндэсний брэнд бүтээгдэхүүн ноос, ноолуур, ноосон нэхмэл, гар урлал болон бусад бараа бүтээгдэхүүнийг Европын зах зээлд сурталчлан таниулахаар зорьж байгаа аж.

Мөн жижиг, дунд үйлдвэрлэгч, аж ахуйн нэгжүүд гадаад хөрөнгө оруулалтаа өсгөх, экспортын гэрээ байгуулах, гадаадын худалдан авагч, байгууллагуудтай танилцах, брэндийн үнэ цэнийг өсгөж, компаниудтай хэлэлцээр хийхээс гадна үзэсгэлэн худалдаа, компаниуд хоорондын B2B уулзалт, монголын виртуал тур аялал, язгуур урлагийн тоглолт, загварын шоу зохион байгуулахаар төлөвлөжээ.