Баянгол дүүргийн менежерийн III хуралдааны үеэр ОСНААУГ-ын харьяа Баруун түгээх төвөөс цаг үеийн асуудлаар мэдээлэл өглөө.
Тус төв нь Баянгол дүүрэгт Хэрэглэгчдэд үйлчлэх 11, 12, 13, 14-р төвийг хариуцдаг бөгөөд ингэхдээ дүүргийн харьяа нийт 204 км урттай халаалт, хэрэгцээний халуун хүйтэн ус, ариутгах татуургын шугам сүлжээ, 713 ширхэг дулаан, ариутгах татуургын худгийн ашиглалт үйлчилгээг хариуцан ажилладаг байна.
2024 онд Нийслэлийн хөрөнгө оруулалтаар дүүргийн 28-р хороо, 10-р хороолол Ус дулаан дамжуулах 115 дугаар төвөөс гарсан салааг 49.1 дүгээр байрны дулааны худаг хүртэл халаалт, хэрэгцээний халуун, хүйтэн усны 5 хос шугам шинэчлэн солих ажлыг хийж гүйцэтгэсэн.
Тэгвэл 2025 онд Нийслэлийн хөрөнгө оруулалтаар дүүргийн 4 байршилд нийтдээ 494у/м газарт ухалт хийж 2470 у/м шугам сүлжээг шинэчлэн солихоор төлөвлөн ажиллаж байгаа юм.
Үүнд,
- 12-р хороо, УДД 98-р төвөөс 20-р байр хүртэл 5 хос шугам шинэчлэн солих ажил,
- 7-р хороо, УДДТ- 112 ын дх2 худгаас ТВ54-р байрны худаг хүртэлх 5 хос шугам шинэчлэн солих ажил,
- 17-р хороо, УДД 102-р төвийн харьяа 41 дүгээр байрны зүүн талын худгаас 67 дугаар байр хүртэл халаалт, хэрэгцээний халуун, хүйтэн усны 5 хос шугамыг хагас нэвтрэх сувагт оруулан өргөтгөн солих ажил,
- 12-р хороо, УДДТ-99-ийн харьяа 11-р байрны арын дулааны худгаас 13-р байр хүртэл халаалтын ф150мм шугамыг ф200мм болгон өргөтгөж шинэчлэн солих /үл нэвтрэх сувагт оруулах ажлыг тус тус хийж гүйцэтгэх юм байна.