Олон Улсын Хөлбөмбөгийн Холбооны 75 дугаар Их хурал Өмнөд Америкийн төв хэсэгт оршдог Бүгд Найрамдах Парагвай Улсад тавдугаар сарын 15-нд болно. Энэ их хуралд МХБХ-ны Ерөнхийлөгч Ц.Анандбазар оролцсон.
Тэрээр хурлын үеэр Узбекстан Улсын Хөлбөмбөгийн Холбооны удирдлагуудтай уулзжээ. Узбекстан бол Төв азийн хөлбөмбөг хамгийн хүчирхэг хөгжсөн орнуудын нэг юм.
Хөлбөмбөгийн мэргэжилтний хүрээнд шигшээ багийн дасгалжуулагч, эмэгтэй шигшээ багийн дасгалжуулагч, футзалын дасгалжуулагчдыг хамтран бэлтгэх болон Узбекстаны мэргэжилтнүүдийг монголд урьж ажиллуулах боломжийн талаар хоёр тал санал солилцов. Узбекстаны тал үүнийг дэмжин хамтран ажиллах бүрэн боломжтойгоо илэрхийлээд “Pro ангиллын” хоёр хүртэл дасгалжуулагчийг бэлтгэж өгөхөө уулзалтын үеэр илэрхийлжээ.