Боловсролын сайд П.Наранбаярын тушаалаар “Хүний эрхийн боловсрол” хөтөлбөр, гарын авлага боловсруулах чиг үүрэг бүхий ажлын хэсэг байгуулагдан анхны хурлаа хийлээ.

Уг ажлын хэсэг нь ЕБС-ийн ахлах ангийн (Х-ХІІ анги) болон эрх зүйч, багш мэргэжлээр суралцаж буй их дээд сургуулийн суралцагчид, хууль сахиулах байгууллагын болон төрийн албан хаагчдад зориулсан хөтөлбөр, сурах бичиг, гарын авлага боловсруулж, олон нийтээр хэлэлцүүлэн санал бодлыг нь тусгах юм.

Хүний эрхийн мэдрэмжтэй иргэдтэй улс орон болохын тулд ахлах ангиас нь эхлэн боловсрол олгохын чухлыг ажлын хэсгийнхэн онцолж байлаа.