Нийслэлийн Засаг дарга асан Д.Сумъяабазар “Aqua Garden” хорооллын хоёр блокийг албадан нураах захирамж 2023 оны наймдугаар сард гаргасан. Гэтэл одоог хүртэл “Авлига хороолол” гэх нэр зүүсэн “Aqua Garden”-ий голын голдиролд нөлөөлсөн хоёр блокийг нураагаагүй буюу шүүхийн шийдвэр эцэслэгдэж гараагүй хэвээр байна. Нийслэлийн Засаг дарга Х.Нямбаатарын зүгээс шүүхийн шийдвэр гарвал уг барилгыг хэзээ л бол хэзээ нураахад бэлэн гэдгээ илэрхийлсэн. Гэвч шат шатны шүүх дамжиж цаг хожсоор өнөөг хүрсэн “Авлига хороолол”-ын барилгын гүйцэтгэлийн ажил зогсолтгүй үргэлжилж, ашиглалтад ороход ойрхон болжээ.
Энэ талаар Эрчим хүчний сайд Б.Чойжилсүрэн: “Aqua Garden” хорооллын талаар манайх гэхээс илүү Нийслэлийн засаг дарга илүү тодорхой хариулт өгөх байх. Тог, дулаанаар хангаад байгаа асуудалд “гэрээгээ цуцалж болдоггүй юм уу гэдэг асуултыг “УБЦТС” ХХК-д би тавьдаг юм. Тэгэхлээр гэрээг цуцал гэдэг шүүхийн шийдвэр гараагүй учраас байгуулсан гэрээ хүчин төгөлдөр байна аа гэдэг ийм тайлбарыг өгөөд байгаа” гэв.